ქვეყანა

კომპანიის შესახებ

კომპანია IDS ბორჯომი საქართველო ქართული მინერალური წყლების ბაზრის უპირობო ლიდერია, როგორც წარმოებული მინერალური წყლის მოცულობით, ასევე, წარმოებაში დანერგილი ტექნოლოგიური სიახლეებით. ბაზარზე კომპანიის პროდუქცია წარმოდგენილია მინერალური წყლის შემდეგი ბრენდებით: „ბორჯომი“, „ლიკანი“ და „ბაკურიანი“. საქვეყნოდ ცნობილი ბრენდით „ბორჯომი“ კომპანია დღესდღეობით მსოფლიოს 40-მდე ქვეყანაში გადის ექსპორტზე.

კომპანია IDS ბორჯომი საქართველო ბაზარზე აწარმოებს ბუნებრივ, ჯანმრთელობისთვის სასარგებლო წყალს.

კომპანიის მუშაობა ეფუძნება რამდენიმე ძირითად პრინციპს:

• ბაზრების დივერსიფიცირება.
• აქტიური მარკეტინგული პოლიტიკის წარმოება.
• ბაზარზე ახალი ბრენდების შემოტანა.
• უმაღლესი ხარისხის პროდუქცია.
• თანამედროვე ინოვაციური ტექნოლოგიების დანერგვა.
• სიახლეების შემოტანა ბაზარზე.

ჩვენს კომპანიაში 800-მდე თანამშრომელია. თითოეული ჩვენგანისთვის კომპანიის პორტფელში შემავალი მინერალური წყლის ბრენდები არა მხოლოდ ბაზარზე მოთხოვნადი პროდუქტებია, არამედ ქვეყნის ნამდვილი ეროვნული საგანძური, რომელმაც გაუძლო დროს და მსოფლიომ საქართველოს იდენტობის სიმბოლოდ აღიარა. სრულად ვაცნობიერებთ, რომ ჩვენს ხელთ არსებულ ბრენდს „ბორჯომი“, გააჩნია იმის პოტენციალი, რომ არაერთ საექსპორტო ბაზარზე უპირობო ლიდერად იქცეს.

ჩვენი პრიორიტეტი არის ხარისხის მაღალი სტანდარტი. ჩვენი მიზანი მომხმარებლის ნდობის გამართლება, შენარჩუნება და ზრდაა.

ჩვენ რაციონალურად მოვიხმართ ბუნებრივ რესურსებს, ეკოლოგიური პრობლემების გადაჭრისას კი, საკუთარ თავზე ვიღებთ ინიციატივასა და პასუხისმგებლობას. კომპანიის ყველა თანამშრომელი პასუხისმგებლობით ეკიდება ამ სერიოზულ მისიას. ჩვენ პრაქტიკაშიც მკაცრად ვიცავთ მაღალ სტანდარტებს.

დღეს ბორჯომში ორი ჩამომსხმელი ქარხანა მუშაობს. ორივე ქარხანა ლიდერია როგორც წარმოებული პროდუქციის მოცულობით, ასევე, ინოვაციური ტექნოლოგიების დანერგვით.

ბორჯომის N1 ჩამომსხმელი ქარხანა ბორჯომ-ბაკურიანის გზაზე მდებარეობს. ქარხნის რეაბილიტაცია-რენოვაცია 2014 წელს განხორციელდა. მისი საერთო ფართი 10 000მ2. ქარხანა შედგება რამდენიმე ბლოკისგან: საწარმოო და სასაწყობე ბლოკი, საოფისე კორპუსი, ყოფითი ბლოკი, ენერგეტიკულ – საკომუნიკაციო ბლოკი. აღნიშნულ ქარხანაში, სხვადასხვა შეფუთვაში, იწარმოება ნატურალური მინერალური წყლები „ბორჯომი“ და „ლიკანი“.

ბორჯომის N2 ჩამომსხმელი ქარხანა სოფელ ყვიბისში მდებარეობს. პროდუქციის წარმოება თანამედროვე ევროპულ და ავტომატიზებულ ტექნოლოგიურ ხაზებზე მიმდინარეობს. N2 ქარხანაში იწარმოება: წყაროს წყალი „ბაკურიანი“.

ჩვენ ვაგრძელებთ „ბორჯომის“ ბრენდის განვითარებას. 2009 წლის მარტში ჩვენმა კომპანიამ მიიღო ბორჯომის საბადოებიდან წყლის ჩამოსხმის გრძელვადიანი ექსკლუზიური ლიცენზია (2034 წლამდე). ჰიდროგეოლოგებისა და ექიმების მონაწილეობით ჩვენ ჩავატარეთ კვლევები, რამაც საშუალება მოგვცა გამოგვევლინა ამ მინერალური წყლის უნიკალური თვისებები და უპირატესობები. მრავალი კილომეტრის სიღმეზე ვულკანური პროცესების შედეგად ხდება ჟანგბადის წყალბადთან შეერთება და შედეგად ბუნებრივი სუფთა წყალი იბადება. ასეთ წყალს იუვენური ეწოდება, რადგან ის არასოდეს ყოფილა ჩართული წყლის წრებრუნვის პროცესში და ხელუხლებლად სუფთაა.

მაღალი წნევისა და ტემპერატურის ზემოქმედებით წყალი მთის ვულკანური ქანების გავლით ამოდის მიწისქვეშა სიღმეებიდან. ამ გზით ის მდიდრდება მიმნერალებით. ბორჯომის წყალში ჭარბობს ნატრიუმის ჰიდროკარბონატები, რომლებიც გამოირჩევა ორგანიზმე დადებითი ზემოქმედებით. „ბორჯომის“ მომხმარებლები უკვე დიდი ხანია ამაში დარწმუნდნენ. ბრენდის კომუნიკაციამ, რომელიც აღნიშნულ მეცნიერულ ფაქტებს ემყარება, სტარტი 2010 წლის გაზაფხულიდან იმ ქვეყნების უმრავლესობაში აიღო, რომლებიც მარაგდება წყლით და დაარწმუნა მომხმარებელი „ბორჯომის“ რეგულარულად მიღების აუცილებლობაში.

ახალმა კომუნიკაციამ „იცხოვრე ვულკანის ძალით“, რომელიც 2017 წელს დაიწყო, შემატა გზავნილს ემოციურობა და გააფართოვა ბრენდის იერსახე. ამიერიდან, „ბორჯომი“ არა მხოლოდ წყალია, რომელიც სულ შენთან არის ჯანსაღი ცხოვრებისთვის, არამედ ცხოვრების იმ განსაკუთრებული მომენტების განუყოფელი ნაწილიც, რომლებიც გინდა, რომ არასდროს დასრულდეს.

2015 წელს სიამაყით აღვნიშნეთ ლეგენდარული ბრენდის, მსოფლიოში ცნობილი ქართული მინერალური წყლის „ბორჯომი“ 125-ე იუბილე. სამრეწველო ჩამოსხმის დაწყებიდან 125 წლის მანძილზე საქართველოში დაბადებულმა ბრენდმა მსოფლიოს 40 – ზე მეტ ქვეყანაში მოიპოვა მოხმარებლის კეთილგანწყობა და სიყვარული.